20. Dezember 2017

Nur noch 4(!) Tage!

Erinnert ihr euch noch an die Abihäberl´sche Dichtkunst´? Einige haben ihn bereits sehnlichst erwartet, andere weniger (Goethe zum Beispiel). Nun ist er da, der phänomenale Solabericht der Abihäberlis – natürlich wie gewohnt ganz in gedichteter Manier. Aber, lest selbst und staunt über die wahren sprachlichen Ergüsse, welche während dem Lager Kandersteg zusammengekommen sind.

 

Solabericht Abihäberlis – ÄUÄ!

Samstag, 17.07.16

#Mr.x. tag 1

Mir händ nöd gwüsst was mache
Drum simmer wie di krasse
Go hänge uf züri ide gasse.
Go hänge bänge ziitverdränge.
Isch leider ned lang gange
Will mir hend en brief igfange. (Sch’aber nice gsi)
Drum simmer schnäll is zügli ineghüpfled
& nach luzern gschlüpfled
Det hät de grossi hotelhajk agfange
Und motivation isch de bach abgange.
Alli 5sternhotels händ eus nöd ilah
Drum hemmer agfange vor de türe umestah
Nach gfühlte 7 stund ohni fund
Sind nerve blank wien männerchleiderschrank.
Denn endlich bim letste 1stern hotääll
Isch dnavajagruppe ineglah worde gschnäll
Selektrochämmerli isch im 5stock gsi
Eng, heiss, und chli – aber trotzdem chilliii.
Nach es paar stund het de staubsuger aus scho de ninox attackiert, das het sini nerve strapaziert.
I dere ziit hets di ander gruppe ufem camping chillt und de buch mit chriesi gfillt.
De schwan hät au chli übercho,
Niemert weiss òbsem guet isch becho.
Go bade simmer voll im drägg.
Es isch chalt gsi wie en tote schnägg.
Denn simmer i euses zeltli kroche
Und hend über beihaar gsproche.
Irgendwenn hend fasch all gschlafe
Usser de ninox het welle usm ned vorhandne fenster gaaffe

Mr. X #2

Am halbi 7ni ischs wieder losgange
Die Olle het eus usem putzchämmerli gschosse
Debi hemmers doch soo gnosse.
Mir hends nöd so gfühlt
Und hend am see chli gspüllt
De drülli isch e lässi sach gsi
Fast chotze hetmer müsse debi.
Bald isch di ander gruppe cho
Und den hemer zmorge zu eus gno.
En brief hend alli entdeckt
Usser de coco de häts nöd checkt.
An bhf simmer gwatschled
Mit allne chinese am tratsche.
Nach solothurn sötts ga
Via olte (zwar nöd if de charte vorhande)
Denn schneller simmer da.
Bim apollo ide wohnig
Schmöckts zwar ned nach honig,
Trotzdem ischs schön gmüetlii
G’ässe hemmer birchermüesliii.
Ufegfahre simer mitm bähnli uf de wissestei
Denn hemer ned brucht eusi bei.
Es het zwar vill kostet,
Drum hemmer dobe keis glace postet.

Mit eusne sexy billighüet,
Simmer gloffe mit liechtem gmüet.
Bi de Höhli (Anm. Der Redaktion: Nidlenloch) simmer acho,
Und händ eus umzoge jo.
Ide höhli isch sehr fresh gsi,
Dezue dreckig und mit lämpliii.
D’agrumi hets nöd so gfühlt,
Defür häts de coco gfühlt.
Und dnavaja und alli händs au gfühlt.
Nach 2h isch de Spass verbi,
Schön ischs gsi.
De caracal het sich dhand kaputtgmacht
Aber trotzdem hend alli glacht.
Dusse isch sehr heiss,
Da chunt eus gad de schweiss.
Mir hend de volleyball vode agrumi borget

Und de caracal hät en ide aare versorget.
D’galoppi isch flott inegsprunge
Und alli hend ihre zuegsunge.
Schnell het sie de bölle usegno
Und ihri hose isch is wasser cho.
Jetzt isch sie ja scho nass
Denn het agfange de spass
Cocaloppi caracal und flit sind is wasser ghöpft
Nach 4x sinds voll erschöpft.
Am abig hets gä geili schnitte,
Die hemer alli müsse hintrekippe.
Alli sind go schlafe gange
Usser die lustige sind go schlafe gange.
Cocaloppi gäge Plutoracal ischs Duell
Luut ischs worde und zwar schnell.

Mr. X #3

Am 2 isch de rest go schlaaafe,
Di andre hend scho troimt vom tv gaaaffe.
Dsunne het eus bländet
Und alli sind ufgständet.
Mir händ zmörgeled
Und umegnörgelet.
Sind trotzdem zitig dra gsi

S’programm het ernscht müesse si
De pluto het wanderschueh debi
In gaggo use simmer gfahre
Zum gseh alpakas in schare.
Chlir gsi sinds mega
Und im räche hends gsuecht mit de rega.
S’isch vill zheiss
Trotzdem simmer ufe chlini reis
D’alpakas sind verfresse
Drum sind au mier go ässe
Em apollo dwohnig ufruume tüend noed alli gern
Trotzdem isches wiitergange bis uf bern
Die negst touristeattraktion het gwartet
Tour de france isch gad duregstartet.
Go poste simmer nur es paari
Demits ned worde ich so larifari
Wiiter simmer uf de campingplatz
Hend ufgstellt euse spatz
Id aare simmer scho bald
Gsi isch sie es bizli chalt.
Pasta isch .nur guet mit butterfloeckli
Da hauts gad jede gourmetchoch us de soeckli
De ganz abig isch frisbee gspilt worde
Die andre campingbsuexher hend eus schier welle morde.

Mr. X #4

Früeih am morge
Het es händli gmacht de zmorge.
Em ninox simmer dankbar
& hocked zmitzt in weg- gnz klar.
gstercht für de heissi tag
Hemmer gad gno es chüels bad.
De ganz vormittag simmer umechillt
D’sune het eus fasch no killt.
Irgendwenn hend eus dleiter nüme la
Willmr doch no hend müesse ga.
Mir hend eus duregrunge,
Bis de bode eus het verschlunge
In adventureroom simmer cho
und hend scho schier alles usenandgno.
Akettet sipmmer worde
Das het de flit gad dluune verdorbe.
De rest hets no recht lässig gfunde.
Dur unzähligi rätsel hemmer duregwunde.
Nach öppre stund ischs denn verbigsi
Und dflit hets immerna gfunde schissi.
Go poste simmer dasmal alli zäme
Me hät sich fast scho müesse schäme.
Es sonderagebot hets gha
Heimmer natürli mueesse zueschlah
30 burgers hemmer postet
Und alli inegmostet
Gmacht hemmer no 1,2 Spiili
Denn isch de tag auscho wieder verbigsi.

Tag #5

En neue tag im paradies
Dsunne het abebrännt richtig fies.
Die einte hend sich gwünscht es bad im Iis
Zeltabbreche isch richtig mies.(umdrehen)
Am schatte isches gsi am bränne
Drum simmer uf de hoger go ränne.
Chüeler hetts den sölle werde
Ufm weg id berge
Mir sind ufm wäg
Nach kanderstääg
Im zug isch de caracalrucksack gheit
Uf de agrumi ihre chopf wie wenns schneit.
Denn simmer zum zentrum gschnaagget

Und alli hend umegmaaagget.
Womer acho sind hemer s’zelt ufbaut
Und die dütsche hend eus agschaut.
Dhering hering händ nöd inewelle
Darum düemer das etz eu verzelle.
Nacher hemmer eus uf erkundigstour gmacht
& hend vill glacht
Mit de holländers & de dütschis ide nacht.
DSpanier sind cho
De caracal hät sini chance wahrgno.
Er het sini olympergravatte tusched geg en orangne lumpe, (Anm. der Redi: Etwa diese Farbe)
Er chan vo freude nonig wüki gumpe.

Tag #6

Mir sind gloffe de berg duruf
Und hend nüm gha vill schnuuf.
Obe am oeschinensee,
Hemmer villi pfadis gseh.
Go bade simmer zimlich schnäll
Es isch gar nöd chalt gsi gäll.
E bise isch durd alpe gfloge
Trotzdem hetts eus in see iezoge.
Grillieristäcke sueche isch schwierig gsi,
Trotzdem hets für alli ge es warms bissli.
Cervelats hemmer brate
Die sind sehr guet grate.
Dunkli qulche sind go grüesse
Drum hend mir abemüesse
Schnell simmer abegrännt
Es paari hend sich ufm scheitel verbrännt.
Die 2stündig chochsession vode barilla & de flit,
isch nöd gsi ganz fit, aber s’riz casimir am schluss de hit.
Mit verlust muemer immer rächne,
Drum chömmer jetz mitme tüechli weniger abtröchne.
Näbedrah sind 5 fuuli im zelt glege

& hend sich gegesitig afah d’ohre pflege.
Ide füürschale hets sölle es fürli gäh
Aber de rege hets eus wieder welle wegnäh.
Drum hend mirs welle mit abtröchnigstüechli schütze
Ide füürschale hets aber gä e pfütze.
Zude skandinavier id hütte simer grennt
Und hend sie schier abbrennt.
Die hends nöd so lässig gfunde
drum simmer schnell wieder verschwunde.
Mir hend aber trotzdem wiitergmacht
Und denn au es feins marshmallow am grãsli anebracht.
Navaja & barilla hend kuuli gravatte ergattered
Und de caracal isch fast am bode zerschmattered.

Tag #7

S’Tagesmotto hüt isch gsi,
Henge bänge ziit verdrängi.
Obwohl dZiit umegange isch wie de blitz
Sind am caracal & am coco ab ihrne abverheite drück träne gspritzt.
Drück sind bi de meiste guet usecho
Zmittag hemmer kei becho.
As campfire simmer nachher gange,
DRebecca (witzchiste) isch voll abgange.
Dwitz sind sind superflach gsi
Drum hemmer alli gmacht hihihi.
Supergueti witz hett sie gmacht
Es bispil hemmer da für eu mitbracht:
Whats a wet bear? – A drizzly bear.
Das isch alles sehr lustig gsi,irgendwenn simmer fast gschlafe ii.
Cho isch auno es gschichtli vom traktor,
mir sind alli gsi ganz ohr.
Wo isch fertig gsi entlii,
Hemmer alli gschnuuft tüf ii.
Nummre ustuscht mit de dütsche,
und schnell hei, demit eus de rege nöd cha verwütsche.
Mir sind alli schnell id hütte griitet,
det hemmer denn alli bitzli gstriitet .
D’Flit het wegm füür umegstichlet,
paar hend bös zrugggiftlet.
Em caracal sin lumpe,
Isch au wieder ad oberflächi gumped.
Alli sind chli apisst gsi,
Harmonisch worde ischs aber scho wieder glii.
Ide nacht sind wieder karte gfloge,
en obenabematch het d’Calippo us de scheisse zoge.

Tag #8

Mir hend en arschchalti nacht gha
Und hend chli früener müesse ufstah als normala.
Aber es isch eus egal
Will mir hend gha es chräftigs mal
Packt hemmer in windeseile
Recycle het niemerd welle, will das isch ned geile.
De schnurriburri us luzern,
Het eus m&ms gä, drum hemmern gern. (Au wenn er dumm isch)
Gfahre simmer mit dem zug ganz schnell,
Zum reime hemmer jetz kei luscht,
S’Lager isch eh verbi,
Es isch lässig gsi.
Klappe zu, Affe tot.
Alli gönd etz nach haus
Det erwarted eus e maus.
Tschäsetschau uf wiedergüx
Mit silberbüx.
herzig wienes alpaka,
D’Barilla schnützt id kravatta.

Wir haben euch ja gewarnt.  #sorrygoethe

Morgen an dieser Stelle werdet ihr mit FAMA-tischer Musik (mit Lyrics zum Mitsingen!) verwöhnt. Es lohnt sich, echt! 😉